الشراع المكسور

الفرعون العاشق السبت أغسطس 16, 2008 8:42 pm

يا شراع يا مكسور
اسعى وانسى اللي راح
واضرب بمجدافك
تطيب الجراح

تايه انا في بحر الحياة بتنفض
والموج بيعلى فقلبي وينخفض
نجم الطريق يشاورلي على ميت طريق
ايه يتقبل منها وايه يترفض؟

حتقوم ياموج ومالو مانا قمتلك
حتزوم تحمحم برضو حمحمتلك
معلوم ياموج ماهو انتا علمتني
انك ح تغدر بيا لو نمتلك

***

دا الموج دا ولا عُرف خيل السنين؟
رايح لفين ومنين يا موج جاي منين؟
البحر قال ما عرفشي
بس الحنين مواعدني ياخدني
لشطوط الانشراح

بحر الحياة مفتوح في كل اتجاه
فيه اللي تاه بين مال وسلطان وجاه
واللي ضميرو هداه لشط النجاه
حقق رجاه لقى
آخرة الطيبة راح..