........ زعلتهــا ...........

الفرعون العاشق الأحد أغسطس 17, 2008 8:58 am

زعلتها

ومشيت يا قلبى وسيبتها

بكل قسوة قسيت عليها ..وجرحتها

خبت دموعها ...قدام عينيا وشوفتها

ولا حتى روحت صالحتها

زعلتها

نامت وصورتى فى حضنها

ودموعها لسه على خدها

اول ما صحيت قالتلى انى وحشتها

معرفش ليه لقيت لسانى بيقولها

انى خلاص مبقتش قادر احبها

زعلتها

بكل قسوة قسيت عليها وصدمتها

قالت كلام مسمعتهوش

من صوت بكاها وحزنها

عدت شهور ولا شوفتها

زعلتها

حسيت بأنى مشتاقلها

وقولت لازم اروحلها

لقيتها نايمة ولسه صورتى فى حضنها

بصتلها ... وبشوق ولهفة نديتلها

حطيت ايديا على خدها

كان كلى املى اضمها

وفى جوا حضنى احسها

لقيته بارد جسمها

قلبى اتخطف ...حركتها

حطيت ايديا على قلبها

لقيت دموعى نازله تجرى على خدها

قتلتها ... من بين ايديا حبيبتى انا ضيعتها

قتلتها ... ماتت حبيبتى وبغبائى خسرتها

زعلتها ... وماتت وصورتى فى حضنها